mitatâht niyânosâp kiskisomôwina kihtiyâtisak kayitwîcik

ᒥᑕᑖᐦᐟ ᓂᔮᓄᓵᑊ ᑭᐢᑭᓱᒨᐏᓇ ᑭᐦᑎᔮᑎᓴᐠ ᑲᔨᑜᒋᐠ

 

  1. Get up with the sun to pray. Pray alone.
    waniskâ îpîsâkâstîk ati piyako kâkîsimo

    ᐘᓂᐢᑳ ᐄᐲᓵᑳᐢᑏᐠ ᐊᑎ ᐱᔭᑯ ᑳᑮᓯᒧ

  2. Be tolerant of those who have lost their way. Ignorance, presumption, anger, jealousy and greed come from a lost soul. Pray for them to find guidance.

    sâsîpîthimik aniki kâwanihocik ikwani ôho niyânan îkâ kâmithoskâkowin pîhci ki câhcâhkôhk ikâ tawanipinikîyin, îkâ îkîhcinâhowin, iwî kisiwîthîhtaman, sawânakîthimowin, akwa awasimî îtîthimisowin  ayamihistamawik ta miskâhkwâw kiskinôhtahikîwin

    ᓵᓰᐲᖨᒥᐠ ᐊᓂᑭ ᑳᐘᓂᐦᐅᒋᐠ ᐃᑿᓂ ᐆᐦᐅ ᓂᔮᓇᐣ ᐄᑳ ᑳᒥᖪᐢᑳᑯᐏᐣ ᐲᐦᒋ ᑭ ᒑᐦᒑᐦᑰᕽ ᐃᑳ ᑕᐘᓂᐱᓂᑮᔨᐣ, ᐄᑳ ᐄᑮᐦᒋᓈᐦᐅᐏᐣ, ᐃᐑ ᑭᓯᐑᖩᐦᑕᒪᐣ, ᓴᐚᓇᑮᖨᒧᐏᐣ, ᐊᑿ ᐊᐘᓯᒦ ᐄᑏᖨᒥᓱᐏᐣ  ᐊᔭᒥᐦᐃᐢᑕᒪᐏᐠ ᑕ ᒥᐢᑳᐦᒁᐤ ᑭᐢᑭᓅᐦᑕᐦᐃᑮᐏᐣ

  3. Find yourself by your own means. Do not let others make a path for you. It is your path, and only yours. Others may walk with you, but no one can make your way (or walk your path) for you.

    miskâso ka isi tipithawîsiyin athisk mwâc awina kakî pimôhtîstamâk. kîtha piko kâ isi tipithawîsiyin  Kotakak awiniki kakî wîcipimôhtîmikwak mâka kitha tipithawî ki piyako pimôhtân kimîskanaw

    ᒥᐢᑳᓱ ᑲ ᐃᓯ ᑎᐱᖬᐑᓯᔨᐣ ᐊᖨᐢᐠ ᒹᐨ ᐊᐏᓇ ᑲᑮ ᐱᒨᐦᑏᐢᑕᒫᐠ᙮ ᑮᖬ ᐱᑯ ᑳ ᐃᓯ ᑎᐱᖬᐑᓯᔨᐣ  ᑯᑕᑲᐠ ᐊᐏᓂᑭ ᑲᑮ ᐑᒋᐱᒨᐦᑏᒥᑿᐠ ᒫᑲ ᑭᖬ ᑎᐱᖬᐑ ᑭ ᐱᔭᑯ ᐱᒨᐦᑖᐣ ᑭᒦᐢᑲᓇᐤ

  4. Treat guests in your home with great consideration. Serve them the best food, give them the best bed and treat them with respect and honor.

    kwayask isi atamiskawik okîyokîwak  ta mitho asamacik, ta mitho kapîsihacik, akwa tawâpâhtahacik kistîthîhcikîwin mîna kistîthîhtâkosiwin

    ᑿᔭᐢᐠ ᐃᓯ ᐊᑕᒥᐢᑲᐏᐠ ᐅᑮᔪᑮᐘᐠ  ᑕ ᒥᖪ ᐊᓴᒪᒋᐠ, ᑕ ᒥᖪ ᑲᐲᓯᐦᐊᒋᐠ, ᐊᑿ ᑕᐚᐹᐦᑕᐦᐊᒋᐠ ᑭᐢᑏᖩᐦᒋᑮᐏᐣ ᒦᓇ ᑭᐢᑏᖩᐦᑖᑯᓯᐏᐣ

  5. Do not take what is not yours, whether from a person, a community, from the jungle or from a culture. It was not given or won. It is not yours.

    kâtha nôcîhtâ kîkwân îkâ kîhta kâtipithawisiyin  Ita kâtasîhkîyin âhpô ithiniwi isîhtwâwinîhk ôhci kîspin îkâ ôhci mîthikawiyin âhpô îpaskithâkiyin  mwâc kîtha kitayân

    ᑳᖬ ᓅᒌᐦᑖ ᑮᒁᐣ ᐄᑳ ᑮᐦᑕ ᑳᑎᐱᖬᐏᓯᔨᐣ  ᐃᑕ ᑳᑕᓰᐦᑮᔨᐣ ᐋᐦᐴ ᐃᖨᓂᐏ ᐃᓰᐦᑤᐏᓃᕽ ᐆᐦᒋ ᑮᐢᐱᐣ ᐄᑳ ᐆᐦᒋ ᒦᖨᑲᐏᔨᐣ ᐋᐦᐴ ᐄᐸᐢᑭᖭᑭᔨᐣ  ᒹᐨ ᑮᖬ ᑭᑕᔮᐣ

  6. Respect all the things that are on this earth, be they people, plants and animals.

    kistîthîhta kâhkithaw kîkwân waskitaskamik, tâpiskôc ithiniwak, kistikâna, mîna pisiskiwak

    ᑭᐢᑏᖩᐦᑕ ᑳᐦᑭᖬᐤ ᑮᒁᐣ ᐘᐢᑭᑕᐢᑲᒥᐠ, ᑖᐱᐢᑰᐨ ᐃᖨᓂᐘᐠ, ᑭᐢᑎᑳᓇ, ᒦᓇ ᐱᓯᐢᑭᐘᐠ

  7. Honor the thoughts, desires and words of all people. Never break them in, or make fun of them, or imitate them rudely. It gives each person the right to their personal expression.

    kistîthîhtâhkosiwinîhk isi kanâwâpamik ithiniwak kâ isi mâmitonîthîhtâkwâw, kâ isi pîkiskwîcik  Kâhta ayasawâc isi kanâwâpamik  kâhkithaw awina mîthikowisiw ta isi mâmitonîthîhtamâsot

    ᑭᐢᑏᖩᐦᑖᐦᑯᓯᐏᓃᕽ ᐃᓯ ᑲᓈᐚᐸᒥᐠ ᐃᖨᓂᐘᐠ ᑳ ᐃᓯ ᒫᒥᑐᓃᖩᐦᑖᒁᐤ, ᑳ ᐃᓯ ᐲᑭᐢᑹᒋᐠ  ᑳᐦᑕ ᐊᔭᓴᐚᐨ ᐃᓯ ᑲᓈᐚᐸᒥᐠ  ᑳᐦᑭᖬᐤ ᐊᐏᓇ ᒦᖨᑯᐏᓯᐤ ᑕ ᐃᓯ ᒫᒥᑐᓃᖩᐦᑕᒫᓱᐟ

  8. Never talk about others in a bad way. The negative energy you put into the universe will multiply when it returns to you.

    kâtha maci âthimôm awina  cikîmâ kîspin îkosi kitôtîn kapîkîwîtotâkon anihi nâspâc kitôtamowina âhpô kititwîwina

    ᑳᖬ ᒪᒋ ᐋᖨᒨᒼ ᐊᐏᓇ  ᒋᑮᒫ ᑮᐢᐱᐣ ᐄᑯᓯ ᑭᑑᑏᐣ ᑲᐲᑮᐑᑐᑖᑯᐣ ᐊᓂᐦᐃ ᓈᐢᐹᐨ ᑭᑑᑕᒧᐏᓇ ᐋᐦᐴ ᑭᑎᑜᐏᓇ

  9. All people make mistakes. And all the mistakes can be forgiven.

    kâhkithaw awina wantôtam  kâhkithaw wantôtamowina takî ponîhtamâkowisin

    ᑳᐦᑭᖬᐤ ᐊᐏᓇ ᐘᐣᑑᑕᒼ  ᑳᐦᑭᖬᐤ ᐘᐣᑑᑕᒧᐏᓇ ᑕᑮ ᐳᓃᐦᑕᒫᑯᐏᓯᐣ

  10. Bad thoughts cause illness to the mind, body and spirit. Practice optimism.

    maci mâmitonîhcikîwin ka kî âhkosîhikon kimâmitonîthîhcikanîhk, kiyawîhk, akwa kitâtâhcâkôhk  Kocîhtâ ta mitho mâmitonîthîhtaman

    ᒪᒋ ᒫᒥᑐᓃᐦᒋᑮᐏᐣ ᑲ ᑮ ᐋᐦᑯᓰᐦᐃᑯᐣ ᑭᒫᒥᑐᓃᖩᐦᒋᑲᓃᕽ, ᑭᔭᐑᕽ, ᐊᑿ ᑭᑖᑖᐦᒑᑰᕽ  ᑯᒌᐦᑖ ᑕ ᒥᖪ ᒫᒥᑐᓃᖩᐦᑕᒪᐣ

  11. Nature is not FOR us. It is PART of us. She’s part of your family in the world.

    môtha kîhtanânaw pikwatanôhk kitîpîthîhtînânaw mâka kitiskâkonânaw  Kikâwînaw kiwâhkômânaw misiwîskamik kâ isi minisiyâhk

    ᒨᖬ ᑮᐦᑕᓈᓇᐤ ᐱᑿᑕᓅᕽ ᑭᑏᐲᖩᐦᑏᓈᓇᐤ ᒫᑲ ᑭᑎᐢᑳᑯᓈᓇᐤ  ᑭᑳᐑᓇᐤ ᑭᐚᐦᑰᒫᓇᐤ ᒥᓯᐑᐢᑲᒥᐠ ᑳ ᐃᓯ ᒥᓂᓯᔮᕽ

  12. Children are the seeds of our future. Sow love in your hearts and water them with wisdom and life lessons. When they grow up, just give them space to grow up

    piyakwan awâsisak kikistikâna ati nîkânîhk ta mitho nîhtâwikîhki  Wâpâhtahik kisâkihiwîwin kitîhîk ôhci  Akwa mîna ta sîkahâtawacik kiskîhtamâwin mîna ta isi pimâhcihocik    kîsi nîhtâwikitwâwi tawinamawik  kwayask ta isi nîhtâwikitwâwikicik ᐱᔭᑿᐣ ᐊᐚᓯᓴᐠ ᑭᑭᐢᑎᑳᓇ ᐊᑎ ᓃᑳᓃᕽ ᑕ ᒥᖪ ᓃᐦᑖᐏᑮᐦᑭ  ᐚᐹᐦᑕᐦᐃᐠ ᑭᓵᑭᐦᐃᐑᐏᐣ ᑭᑏᐦᐄᐠ ᐆᐦᒋ  ᐊᑿ ᒦᓇ ᑕ ᓰᑲᐦᐋᑕᐘᒋᐠ ᑭᐢᑮᐦᑕᒫᐏᐣ ᒦᓇ ᑕ ᐃᓯ ᐱᒫᐦᒋᐦᐅᒋᐠ    ᑮᓯ ᓃᐦᑖᐏᑭᑤᐏ

  13. Avoid hurting the hearts of others. The poison of their suffering will return to you.

    kâwitha awina kakwî wîsakitîhîm  opîhcipowiniwâw kâ ikiskâkocik kâkî kîwîtotâkon

    ᑳᐏᖬ ᐊᐏᓇ ᑲᑹ ᐑᓴᑭᑏᐦᐄᒼ  ᐅᐲᐦᒋᐳᐏᓂᐚᐤ ᑳ ᐃᑭᐢᑳᑯᒋᐠ ᑳᑮ ᑮᐑᑐᑖᑯᐣ

  14. Be true (transparent) all the time. Honesty is the test of one’s will in this universe.

    kapî tâpwîwinîhk kîkwân isi tôta  Kwayask  tâpwîwinîhk itâtisiwin kamawinîskâkon misiwîskamik akwa kîsikôhk

    ᑲᐲ ᑖᐿᐏᓃᕽ ᑮᒁᐣ ᐃᓯ ᑑᑕ  ᑿᔭᐢᐠ  ᑖᐿᐏᓃᕽ ᐃᑖᑎᓯᐏᐣ ᑲᒪᐏᓃᐢᑳᑯᐣ ᒥᓯᐑᐢᑲᒥᐠ ᐊᑿ ᑮᓯᑰᕽ

  15. Keep yourself balanced. Your Mental person, your Spiritual person, your Emotional person, and your Physical person: they all have the need to be strong, pure and healthy

    maskawikâpawista kimâmitonîthihcikan, kitâhcâhko pimâtisiwin, kimôsihowin akwa misiwî kiyaw. nitawîhtâhkwanwa tamaskawikapawimakâhki, pîhki pimâtisiwin akwa mithwâyâwin

    ᒪᐢᑲᐏᑳᐸᐏᐢᑕ ᑭᒫᒥᑐᓃᖨᐦᒋᑲᐣ, ᑭᑖᐦᒑᐦᑯ ᐱᒫᑎᓯᐏᐣ, ᑭᒨᓯᐦᐅᐏᐣ ᐊᑿ ᒥᓯᐑ ᑭᔭᐤ᙮ ᓂᑕᐑᐦᑖᐦᑿᓌ ᑕᒪᐢᑲᐏᑲᐸᐏᒪᑳᐦᑭ, ᐲᐦᑭ ᐱᒫᑎᓯᐏᐣ ᐊᑿ ᒥᙽᔮᐏᐣ